用 Metamask 或交易所轉錢就做得多，但你又知唔知當中原理係咩呢？
係幣圈入面，RSA 同 ECDSA 呢種非對稱式加密算法嘅採用程度都好廣泛，而當中 ECDSA 更以較短 Key Lengths 而令表現比 RSA 更有效率，亦都因為 ECDSA 嘅安全性基礎，大家先成日聽到「不可逆轉、不可篡改」嘅口號。
無錯，比特幣同以太坊都係採用緊 ECDSA ，而作為加密貨幣投資者，你又覺得呢啲知識會唔會幫你做到更好嘅投資決定呢？
幣圈常用技術 - 非對稱式加密
可以用公鑰加密再用私鑰解密，亦可以用私鑰加密再用公鑰解密。每個人產生地址個陣會得到公鑰同私鑰各一條，通常公鑰會釋出比對方，私鑰就會由自己持有，用以證明自己係該公鑰持有人。
ECDSA簽章算法 - 不可篡改？
輸入：一個消息，一個私鑰同一個隨機數，就可以得到一串數字作為輸出值，亦即係簽名。
輸出：使用另一條公式可以進行反向計算，係唔知道私鑰同隨機數嘅情況下進行驗證。
陷門函數 Trapdoor Function
係反向計算過程中無法得到 k 數值，等於唔可以從加密左嘅數據同公鑰去推算私鑰。係呢個算法入面無減法或除法等逆向操作，所以呢個特性被稱為單向陷門函數，亦都係ECDSA算法背後安全性嘅所有基礎。
不可篡改嘅說法就係咁黎。
