圖表分析
交易本質係市場對於價格同價值嘅意見出現分歧、所以價格主要嘅推動力係投資者心理主觀
預期，而人性規律萬變不離其中，所以價格走勢只係人性規律嘅一種體現方式。
由人性主導嘅交易行為永遠都會重覆，所以交易員會透過反人性嘅邏輯思維係市場搵機會。
如果單靠圖表分析，可能你早已經係三・四月留意到日線圖開始出現頂背離。
鏈上數據
所有數據包括轉款、存款、提款、算力、地址，以及供應量等等資料都被記載係區塊鏈上，保證數據來源嘅可靠性同真實性；反觀傳統金融市場透明度低，令大部份投資者永遠遲一步反應。
永存嘅鏈上數據為投資者過濾不必要資訊，並反映更多人性以外嘅因素。投資者可以參考過往鏈上數據趨勢同行為模式預測未來方向，或者知道目前區塊鏈上發生緊咩事，潛在分析結果比起圖表分析更貼地更實際。
如果用埋鏈上數據做分析，透過過往數據作為超買超賣區間參考水平，同時可以一早得知 BTC 價格已進入超買狀態，更有效制定交易或投資策略。
