自 2017年以黎，有超過 330 億美元嘅黑錢流入幣市。其中大部分最終轉移去中心化交易所。2021年幣市嘅黑錢高達 86 億美元，比起 2020 年增長 30%。
鏈上數據
Chainalysis 已確定 4068 名犯罪鯨魚持有價值超過 250 億美元嘅加密貨幣，而犯罪鯨魚係佔所有鯨魚中嘅 3.7%。
搵出黑錢來源 - 用時區分析嘗試估計犯罪鯨魚嘅位置
絕大部份場外交易所都需要進行 KYC/KYT 以防客戶洗黑錢。每筆交易存放區塊鏈上，更輕鬆追踪犯罪分子如何係錢包之間轉移資產，甚至將其轉換為現金。
係 768 名犯罪鯨魚入面 UTC 時區 2/3/4有最多鯨魚數量以及有最多資產。呢啲時區當中主要包括俄羅斯城市，如莫斯科同聖彼得堡。
區塊鏈技術容許執法者從一個公共數據庫追蹤犯罪人士。呢樣野係傳統技術無法做到。區塊鏈不能完全防洗黑錢，但可以比現實世界中有更透明簡單直接渠道令調查過程更輕鬆。
無論係用法定貨幣定加密貨幣，根本都好難阻止洗黑錢情況，啲大佬連實體黑錢都阻唔到，憑咩批評擁有資料不可篡改特性嘅區塊鏈會更加助長風氣？
現實生活中，犯罪分子擁有外國銀行同空殼公司網絡用黎混淆資產；係區塊鏈上，雖然身份匿名，但佢地唔洗出金咩？只要佢地將錢轉去中心化交易所，或者嘗試透過 OTC 出金，都係會比人周到。
或者你會問「咁佢唔出金你咪又係拉佢唔到」，無錯呀，所以即使區塊鏈資料長存，但都係防止唔到。掉返轉咁講，難道現實生活中又防止到嗎？啲官商咪又係繼續洗黑錢。
起碼區塊鏈上嘅每個動作都跟得返，現實生活呢？