分析方法: BTC Realized Price and MVRV
確定見底條件
• MVRV上返水平線以上並企穩
• 市價上返Realized Price以上並企穩
前者於水平線上企穩代表買家比賣家多，而且賣力少到平均鏈上嘅人都無蝕本；後者上返數據線上企穩反映成本價已低過市價，代表持有者壓力大幅減低。
分析方法: BTC Long/Short-Term Holder Supply in P/L
確定見底條件
・短期持有者數據要跌近零再極速修復最好呈現 V-shaped Recovery
・長期持有者數據同時要有上升跡象
一般熊市見底都係發生於投降階段，短期持有者往往都係陣亡最嚴重嘅一批人，所以只要紅色數據之後反映到有極速大幅度修復，就代表底部已形成，無人再被割。
分析方法: BTC Adjusted SOPR
確定見底條件
・數據要有明顯上升修復跡象
・最好上穿水平線之後要企穩
呢項數據透過睇鏈上嘅比特幣最後一次移動時嘅價值去對比成本價。數據上升代表蝕緊嘅人越黎越少，過往見底後有上升跡象係因為見底後賣壓越黎越低，平均持有者都係處於賺緊錢嘅狀態。
點解最近個市突然升？依家又咩境況？大家睇完數據分析圖再睇下面分。
先為 On-chain Data 作小小總結，依家唔少數據都反映目前走勢同過往熊市見底跡象好相似，我地分析鏈上數據要攞過往數據對比就係要盡可能搵出相似嘅地方，去知道目前大環境係點，唔單止係睇短期內鏈上發生緊啲咩事。
最近幣市主要因為以太坊合併嘅預計日期被公開，被人炒一野去引散戶入場，同時圖表上顯示多達一個月嘅 Acesnding Triangle 被突破，從圖表分析層面黎講，只要被突破而支撐又夠價格需求，支撐到就可以再上。呢個情況下仲要有哂基本面消息支撐住，所以以太幣先升得到咁勁。
而對於比特幣黎講，小編認為都係被以太幣引入資金而升到上 $23000，而市佔剛剛都係升返去以太幣爆升前嘅水平。
總括黎講其實真係無咩特別，不能因為小小嘅漲幅就即刻 Bullish 見底情況亦未能確認，需要更多時間去觀察。