上個月 Celsius以市場條件惡劣為由暫停提款及凍結投資者戶口。呢單野一度成為焦點，而呢間公司嘅穩定性亦開始成為幣圈擔憂。
於本月十三號 Celsius Network 官方 Twitter 表示已係紐約申請破產。Celsius Network 根據美國破產法第11章提交左自願重組申請。
背叛投資者?
Swan Bitcoin 創始人 Cory Klippsten 指出，申請第 11 章而唔係第 7 章破產，明確表示用戶嘅資產控制權從來都係 Celsius Network 手上。
如果Celsius有心以用戶為先，就應該申請第7章破產，使債務人受制於證券投資者保證法，令客戶可以優先得到賠償。
DeFi 的啟示
根據鏈上數據顯示，Celsius 向Compound 償還左大約 1.2 億美元 DAI，並且攞返原本作為抵押品嘅 4400 粒 wBTC。另外 Celsius 亦已經還清對MakerDAO 嘅債務，自 7 月 2 號以黎已支付 1.9 億美元 DAI。
假設借貸人最後唔還錢、DEX （去中心化交易所）都係會根據智能合約自動清算並且賣出借貸人嘅抵押品，因此可以證明 DeFi 比傳統金融系統無咁容易受到操縱。
Celsius Network CEO Alex Mashinsky 表示，公司申請破產係為 Celsius 及其投資者作最佳決定。佢仍然相信，呢個決定有助於 Celsius 未來發展。而係一份法庭文件中，Celsius 估計其資產同負債係 10 億至 100 億美元之間，涉及超過 100,000 名債權人，另外手頭上揸住 1.67 億美元現金。
Celsius Network 將使用手上 1.67 億美元支持重組業務。另外佢地亦向法院提出多項動議，以繼續用正常方式運作。
不過，Celsius Network 申請第 11 章破產對幣圈黎講可能係好消息，因為申請第 11 章破產意味住 Celsius 唔會將其持有嘅資產出售係已經低迷嘅幣市以攞返現金流去償還用戶。