分析方法
最近比特幣都係區間橫盤，我地順便睇下短線投資者有咩動作。
短級投資者(STH)定義:所有係鏈上移動嘅比特幣壽命多於一小時以及少於155日嘅已實現盈虧。
黑線係標準水平，亦即係「1」。高過標準水平代表STH賺住放；低過標準水平代表STH蝕住放。
目前現象
短線投資者一直處於蝕住放嘅狀態。
除左中短線市場內存在過多不確定性，再配合埋創新高嘅槓桿比率去分析，可推斷出市場同時有好多人接觸高槓桿產品，令市場波動性更大，對整體幣市係唔太健康。
目前 SOPR 處於 0.995，如果能夠升穿標準水平並保持係以上，一個短期嘅 Bullish 走勢有機會出現。
不過由於最近整體經濟都係唔太明朗，再加上最近幣市有唔少利空消息，例如穩定幣事件，令到唔少投資者仍然保持跟車距離。所以大家短期內最好保持中立，唔好因為數據或圖表分析而諗得太過 Bullish。