算力係比特幣價格走勢中最重要嘅一環，因為比特幣區塊鏈先係比特幣終極存在意義。
雖然坊間有好多唔同撈底數據作為參考，事實上要將唔同數據攞埋一齊睇先有更高可信性同更有效去得出結論。
不過單看 Hash Ribbon 嘅話，我地可以見到歷史走勢顯示往往係 Miner Capitulation 礦工投降階段買入嘅人都算有唔錯嘅回報，甚至大部分時候都係買中左底部區間。
熊市中嘅算力
算力代表比特幣區塊鏈上處理交易總計算能力。
當比特幣價格下跌時，礦工因挖礦而獲得嘅區塊獎勵價值亦會隨之下跌；當採礦業務利潤隨住比特幣價格下跌，愈來愈多礦工會停止挖礦，導致算力下降。
挖礦算法會視乎算力而定期調整挖礦難度，以保持整個比特幣區塊鏈嘅穩定性。
當算力下降，難度將向下調整以鼓勵礦工恢復挖礦，算力會因而反彈，價格亦會隨住更多礦工入場而開始上升。
分析方法
・利用比特幣算力 30MA 同 60MA 識别市場底部區間（礦工投降）。
・從歴史數據上睇，撈底最佳時機通常係礦工投降時期嘅中段。
・當 30MA 向上穿過 60MA 時，代表礦工投降時期差唔多結束，並且可以預期反彈開始。
・當30MA低於60MA時，會創建一個淺紅色區域
・當30MA高於60MA時，會出現看漲交叉，該區域變為深紅色