滿城風雨嘅 LUNA 繼續有耐人尋味嘅消息睇，唔單止外國有人撈底賺到幾十甚至幾百%，連香港都有連登仔賺到首期返黎。
不過小編以個人經驗講句，有啲錢唔係你賺就唔係你賺，人地肯用勇氣同膽識去放個輸得起嘅本，同時呢個世界亦有人輸身家。呢一切都只係幸存者偏差，玩幣個頭腦要夠冷靜，唔好比其他人影響你嘅決定，咁樣先能夠走得遠走得長！
增發總流通量
撈底暴富？
有一位連登巴打係 $0.00000188 入左九億粒 LUNA 現價黎計呢堆貨由成本14,000港元變成約 3,000,000 港元。
仲想入場？機會已經過左啦。
呢位巴打入場嘅價格係接近歸零。而當時LUNA嘅利空消息仍然充斥住成個市場。後來 Do Kwon 表示有 Recovery Plan，其後價格從接近零再回升左接近二干倍。
人地當時嘅心態係輸哂都無所謂之餘，以賭搏黎講個值搏率都高。但如果你依家先入場，你當中要考慮嘅野又會係咩呢？
仲買唔買 LUNA 好？
以市值黎講，如果依家嘅LUNA要去返當初嘅 340 億，咁樣價格就會係大約 $0.005。雖然現價 $0.0003 上到 $0.005 只係十多倍，但有無人願意由依家市值 22 億扔多 300 幾億出黎同你撐高個價呢？
以團隊發展黎講，Terra 團隊令大部份投資者失去信心，而目前團隊仍未有明確項目方案，反而仍然將精神同時間放係點樣救返算法穩定幣 UST。因此係目前情況下，用基本面去考慮仲投唔投資呢隻幣係有少少唔合理。