解鎖事件
2013 年嘅牛市高峰時期，Mt. Gox 作為一間總部位於東京嘅交易所，曾經處理過全球超過70%比特幣交易。 該交易所係 2014 年 2 月初聲稱係錢包中發現可疑活動後就暫停提款，後來發現公司唔見左85萬粒比特幣。
據報損失中只有15萬粒比特幣揾得返，而呢件事直接導致 Mt. Gox 破產，並於 2014 年 4 月被勒令清算。係 2021 年底，債權人亦即事件受害人，同東京地方法院就修復計劃達成協議，而結束左長達七年半嘅官司。Mt. Gox 債權人於本月6號收到信函，由 Mt. Gox 受託人律師確認。當年 Mt. Gox 帳戶持有人將會收到賠償。
極大賣壓
Mt. Gox 鏈上錢包顯示目前餘額有約 13.8 萬粒比特幣。
考慮到 2013 年牛市高峰，當時價格約為1160美元。如果受害人個陣買左比特幣，以目前比特幣價格計算，整個漲幅係大約18倍。
如果按照目前比特幣價格，約14萬粒即將解鎖嘅比特幣價值約30億美元。
債權人攞返錢之後可以立即係市場上出售套現，因此會為價格帶黎潛在賣壓。