當大多數投資者蝕住本出貨個陣，呢種情況叫做市場投降 (Capitulation)，而投降通常發生係恐慌性抛售週期尾段。
對價格敏感嘅短期投資者可能會先出貨如果無復甦嘅跡象，另一組投資者可能會選擇跟風走人，從而引發進一步恐慌拋售。
然而，投降並唔代表著該投資產品完。投資者出於好多唔同原因買賣該產品，如果係基本面強勁嘅情況下，價格下跌只會係暫時性。
根據市場學，當大部份投資者（包括長期投資者）都已經賣走手上嘅貨，代表市場上想賣嘅人都走哂，淨低嘅人只有買家，因此投降現象往往代表住市場接近觸底反彈。
分析方法: BTC Long Term Holder SOPR
・數值大過一代表出售時(已實現)代幣係有獲利。
・數值小過一代表出售時(已實現)代幣係有虧損。
・目前數值水平(0.67)同過往熊市底部水平接近。
目前數值水平(0.67)同過往熊市底部水平接近, 反映長期投資者出售個陣比起買入價係蝕咗33%。
分析方法: BTC Long Term Holder MVRV
・反映未實現盈虧（未售出）。
・紅色區間代表價格被高估；綠色區間代表價格被低估。
・目前數值反映長期投資者手上嘅貨比起買入價係蝕緊14%。
分析方法: BTC Realized Price
・已實現價格反映全鏈上比特幣平均買入價。
・目前已實現價格水平係22000美金。
・目前已實現價格水平同市場價格（19500美金）相差6%。
綜合分析
呢個數據結合左前面三項數據，條件係SOPR以及MVRV都係低過一，而且市場價格係低過Realized Price，方便得出長期投資者有投降動作嘅現象。
因此我地可以見到目前已經出現左過往歷史走勢現象，值得留意嘅係歴史中呢個現象就係出現係底部，亦即係長期投資者投降階段（藍色區間）。