Bitcoin 現貨價格多數傾向於填補期貨市場既 CME Price Gap。雖然CME期貨市場會有收市日，但現貨市場仍然保持24/7，所以就算星期六日現場市場價格有幾大波動，等到 CME 期貨市場開市既時候，現貨市場價格好多時都會跟返期貨市場既價格。
以圖中今年12月11日嘅 CME 比特幣期貨市場為例，當日收市價為＄47890 USD。
CME 期貨市場係星期五收市星期一開市，而根據過往走勢顯示現貨市場星期一通常（非一定每次）都會去翻接近期貨市場收市價以達到 “fill the CME gap” ，因此可以估計比特幣現貨市場開市後掂返收市價左右嘅機會比較大
而圖中紅圈可見，13號開市後價格的確有回踩＄47896 USD 呢個價位。
如早前提到，CME gap 並唔係每次都一定會填補到，只係達到 gap filled 嘅情況較常見，有興趣嘅朋友可自行睇翻過往CME比特幣期貨市場研究。
實戰中最簡單常見既現實例子就係，期貨收市後現貨價格爆升，你好想入貨或者開多單。係呢個時候你可以提下自己，一兩日後價格可能會 Fill the gap，十次有七八次都有發生呢個情況，係咪一定要FOMO呢？等自己冷靜一下再作決定，唔好因為市場波動而作出emotional decision。
作為散戶既我地只要保持耐心及冷靜去做操作就可以，唔需要因為短線既市場波動而破壞自身已定好既計劃。